شنطة المستشفى
- ruba
- Feb 6, 2019
- 2 min read
وصلنا لآخر جزء، من بعده ان شاء الله إلى الولادة ومابعدها. ارجع اقول هذي قائمة اغراضي والي احتجته واستفدت منه، زيدي، بدلي، نقصي على ما يريحك ويخدمك.
ولادتي كانت بمستشفى الأطفال والنساء والولادة بالمدينة المنورة، تجربة الحمدلله ايجابية ماراح اتكلم عنها هنا يمكن يوماً ما افرد لها تدوينة.
لكن اعرفي المستشفى الي اخترتيه ايش يوفرون لك بالضبط، بعض المستشفيات ماتحتاجين غير اشياء شخصية بسيطة.
شنطة المستشفى واغراض الصيدلية:
بجامة / و قمصان: في البداية أرشح القمصان والأرواب أسهل باللبس.
روب دافي او بلوفر: حتى لو بالصيف، المستشفى دائماً بارد.
بنطلون داخلي: يلمك ويدفيك.
شبشب حمام: عادة المستشفيات مافيها.
جل شاور/مزيل عرق/لوشن: شامبو اذا كنتي بتغسلين شعرك ولازم سيشوار بعده، واحرصي ان مزيل العرق واللوشن تكون بدون رائحة عشان البيبي.
فوط صحية كبيرة:فيه انواع مخصصة للنفاس، والليلية كافية غالباً.
شنطة مكياج/مناكير: عشان نروق ونتصور ونترتب خذي شي خفيف وعملي.
شنطة عناية/ معقم:غسولك كريماتك فرشة معجون، ومعقم عشان محد يمسك البيبي ويده فيها شي.
هيما جل: يبرّد ويخفف الألم طريقتي كنت احط منه على الفوطة، واسألي طبيبتك قبل.
ملابس داخلية استعمال واحد:اسهل واريح.
منشفة جسم.
شرابات .
برا.
شال.
ربطات شعر/ فرشة.
قطن الرضاعة.
عبايةاحتياط.
سليبرز .
مرة/كمون/يانسون.
مفرش للسرير.
مخدة الترضيع.
شواحن للجوال.
فراطة/صرف/عملات ورقية.
للبيبي:
حفاضات.
مسحة طبية/بودرة السرة.
اكياس حفاضات.
فرشة تغيير.
مناديل رطبة.
ملابس ٥/ داخلي ٥
لفة/مهاد٣.
بطانية.
قبعة ٢.
يانسون/كمون.
غلاية صغيرة.
رضاعات.
لهاية/مصاصة.
هذا كل الي احتجته واستفدت منه، اي شي اضافي تحسين بيريحك خذيه لا توفرين اي شيء في سبيل راحتك.
ومن اول يوم تعرفين انك حامل إلى ساعة الولادة في كل صلاة وقبل التسليم إدعي من كل قلبك بكل مافي قلبك، ما يسّر ولادتي وهوّنها علي غير رحمة ربي وإجابته لدعائي ألحّي بالدعاء .
من بداية الطلق بديت بالدعاء وذكر الله بكل مافي نفسي دعيت واستمريت حتى بشدّة الألم، لدرجة طبيبتي لما شافت لساني مايفتر طلبت مني ادعي لها. والحمدلله على عافيته وكرمه ومنته لانحصي ثناء عليه.
جهزي شنطتك من بدري وقفليها بحيث تكون جاهزة. ومن بداية الشهر التاسع خلي كرت العائلة بشنطتك واوراقك الطبية اذا تحتاجينها. وايضاً جهزي رسالة الإعلان للخبر ان شاء الله.استعملت شنطة سفر صغيرة بعجلات كانت اسهل بالنقل والتقسيم جهة لي وجهة لبنتي. وخلي أول لبس للبيبي في مكان واضح أول مايطلبونه يكون سهل الوصول إليه.
Comments