تجربة تقنية نوعاً ما، وكاميرا لفتت انتباه الكثير سواء بحجمها الصغير جداً آو بعدستها الواسعة وجودتها الغير متوقعة
انتشرت قبل سنوات كاميرا جو برو الرياضية، واثارت ضجة في وقتها.. واحترت شخصياً بين رغبتي بالتجربة، و شكًي باني فعلاً راح اسفيد منها واستخدمها بشكل دائم. وجت هالكاميرا كحل ممتاز للتجربة بسعر رخيص وجودة فاجآتني.
بالنسبة للكلام التقني والتفاصيل راح احط هالفيديو للاستاذ صلاح الي لخص كل شيء بشكل كافي ووافي:
نجي للتجربة، مع الآسف معظمكم عارف ان جهازي كان في حقيبة سفر لازلت ليومنا هذا ضائعة في مطار اتاتورك، لذلك الفيديو الي جهزته للنشر غير موجود حالياً لكن راح احاول اصور شي قريباِ واضيفه للتدوينة لاحقاً.
يعيب الكاميرا شيء واحد هو البطارية، في حال التصوير المتواصل ماراح تكمل ساعة، اما المتقطع ممكن تجلس اكثر. لكن في حال انك اخذتيها ومعك شاحن متنقل ممكن يمشي الحال.
التصوير فيها مريح وسهل، في الاعياد والمناسبات كنت احطها في موقع يلتقط المكان كامل قدر المستطاع واشغلها عن طريق التطبيق في الجوال وتبدآ تصور. بحكم ان عدستها واسعة تلتقط المكان كامل بكل ما ومن فيه، ايضاً تلتقط الاصوات بشكل ممتاز وتقدرين تسمعين كل شي بوضوح. تصويرها في الاضاءة الخافتة جبار وبطل. وبحكم صغر حجمها ما راح تلفت الانتباه وبيكون التصوير عفوي وجميل.
يتم عمل اقتران للكاميرا مع الجوال للتحكم بها عن طريق التطبيق، وتطبيقها متوفر للايفون والاندرويد.
Comentarios