عبايتك، شنطك، جزمك … دايما نظيفة | protect your clean stuff

 😦 كم مرة نغسل عباياتنا وبمجرد ما تجي مناسبة أو مشوار مهم نلقاها كآبة المنظر وسوء المنقلب؟

هذ المنتج الي بتكلم عنه اليوم موجود في السوبر ماركت واغلب المحلات… زي الجوهرة المخفية، ما استفدنا منه أقصى فائدة

بخاخ الحماية هذا يجي بأكثر من أداء على كل علبة يشرح المواد والخامات الي يشتغل معها، جلد، صوف، مخمل ..الخ

بعد ما ننظف الشُنط او حتى بعد مانغسل العباية نآخذ انسب بخاخ لهالغرض ونبخ عليه طبقة كافية ونخليه يجف.

هالمنتج صحيح ماراح يحمي أغراضك ويخليها نظيفة للابد لكن ع الاقل بيوفر عليك عدد المرات الي تنظفين فيها.

مثلا العباية بدل ماتغسلينها كل طلعة او طلعتين، مع البخاخ راح تغسلينها بعد خمس او ست طلعات.

البخاخ راح يسوي طبقة عازلة مجرد مايتجمع الغبار على اطراف العباية نقدر نتخلص منه بالنفض بعكس الوضع قبل البخاخ بحيث مجرد ما يجي الغبار ع العباية يعلق فيها ومايروح غير بالغسيل 😦

صحيح انه مو حل نهائي لكن نعتبره وسيلة مساعدة للحفاظ على نظافة أغراضنا اطول مدة ممكنة.

أخذت هذي البخاخات من كارفور

أسعارها متقاربة بين ال ١٧  إلى ١٩ ريال

#بخاخالحماية #حمايةالجزم #حمايةالعباية #عباية