الإستعداد لمناسبة | Get Ready For A SpacialDay

بسم الله اليوم بنتكلم عن نظامي المُفضلّ للإستعداد لمناسبة أيّاً تكن، طبعاً هو نظام ليوم او يومين قبل المناسبة

يعني المناسبات الاكبر تحتاج استعداد اكبر من كذا، وإذا حبيتوا اخصص لها تدوينة ثانية.

بنبدأ بالاستعداد الداخلي:

راح نقطع المشروبات الغازية اقل شي ٣ ايام قبل المناسبة.

ونخفف من الملح في الاكل، والاكلات المالحة مثل الاندومي وغيره.

نخفف من المقالي والدسم قدر المستطاع، هالاشياء راح تأثر على احتباس السوائل، نضارة البشره، وانتفاخ المعدة والوجه.

راح نشرب يومياً على الريق ماء دافئ نعصر عليه ليمون، ممكن مثلاً نعصر ليمونه ونقطعها ونحطها في جيك لتر ماء ونخليها ونتردد عليها خلال اليوم.

نشرب عصير برتقال وجزر للنضارة، نشرب نعناع يخفف من انتفاخ المعدة.

نجي للوجه:

راح نبدأ بالحف 🙂 والي بتقول يكثر الشعر باقاضيها

هذي اكبر خرافه على وجه الارض، الحف ما يأثر على شعر الوجه نهائياً..بالعكس ماتتخيلون شلون الوجه يكون ناعم والمكياج معك يفررق

شوفي الطريقة الي تناسبك وحفي، الي بتقول التشقير افضل اختلف معها لانه واضح جداً اولاً، ومايعطيك نعومة وصفاء للبشرة زي الحف.

طبعاً آنصحك تجربين بمدة كافية قبل المناسبة عشان لو طلعلك حبوب او ماناسبتك الطريقة باي شكل يكون عندك وقت يهدأ وجهك.

الخيط، والشمع احياناً تسبب حبوب لبعض أنواع البشرات.

الموس (الصغير المخصص للوجه)يعتبر اسهل طريقة نحرص أول شي نعقم الشفرة وبعدين نستخدمه بخفّه بطريقة كأننا نمشط على تحت

الشي الي يخليك تحسين ان الشعر كثر هو لانه بعد الحف يكون الشعر/الوبر اختفى ووجهك أنور وبعد مايطلع مرة ثانية تتفاجئين انه راح النور فتحسين انه كثر بينما هو رجع زي ماكان بالضبط.

وقت هالخطوة حسب مايناسبك قبل بيوم او يومين. وممكن نستخدم بعد الحف كريم أو جل الصبار يهدي البشرة ويبردها .

نجي لخطوات اليوم الي يسبق المناسبة، برضه أفضّل تجربين هالنظام قبل يكون عندك مناسبة عشان تتأكدين انه يناسبك

أول شي بنغسل الوجه ونصنفر . (نتخلص من طبقة التراكمات الخارجية + الجلد الميت)

راح نستعمل جهاز البخار، واذا ماعندك استعملي اي طريقة بحيث توجهين البخار لوجهك مدة ٧الى ١٠ دقايق.

كذا نكون فتّحنا المسام ، نجيب قناع الطين (اي نوع ) ونوزعه على الوجه وننتظره ينشف بعدين نغسله، هالخطوة راح تنظف المسام بعمق أي رؤوس سودا راح تتنظف بالطين. (نتخلص من التراكمات الداخلية بعد مافتحنا المسام يدخل الطين ويطلع كل التراكمات الي بوسط المسام)

بعد مانغسل اذا لازال عندنا رؤوس سوداء او بيضاء نشيلها بالأداة المخصصة، أو بمنتج مخصص.

بعد كذا ممكن نستخدم اي قناع نحبه أو نحتاجه، أنا شخصياً نادراً استخدم أقنعه الا اذا كنت اجرب شي جديد.

نجيب عسل ونوزعه على الوجه،( هالخطوة بترطب البشرة وتطهرها + نضمن ان المسامات لي فتحناها ماراح تتلوث وراح يرمم البشرة ويعطيها منظر وملمس خيالي.)

نخلي العسل ٧ دقايق ، بعدها، خطوة اختياريه بس انا احبها، نجيب صنفرة القهوة الي كتبت طريقتها قبل، ونحطها فوق العسل، نتركها دقايق وبعدها نفرك ونغسل بلطف.

نقشر الشفايف سواء بمقشر مثل ايلف او بشوية سكر مع عسل وزيت زيتون وبعدها نرطب.

اخيراً خلصنا، نقدر نحط كريم مرطب ونقول البشرة تمام.

الجسم:

ايضاً زي الوجه بنبدأ بالحف 🙂 نزيت الجسم ونخليه دقايق ممكن نستعمل الزيت الي نحب جوز الهند، زيت زيتون، ..الخ

ممكن خلال هالوقت نشتغل بالشعر مثلا.

بعد مانحس ان الجسم تشرب الزيت شوي، ناخذ من صنفرة القهوة ونبدأ ندعك بشكل دائري..ولان الصنفرة فيها زيت جوز الهند ماراح نفقد الترطيب.

ممكن نستخدم اي نوع صنفرة ثاني مش شرط القهوة، وبعد الشاور نرطب الجسم بشكل مكثّف بزبدة مثلاً او كريم نحبه

نهتم بأظافرنا نقصها ونرتبها، نشيل الجلد الميت.

ونقشر الرجلين وخصوصاً الكعبين سواء بجهاز، آو حجر التقشير

الشعر:

اذا ماكان شعرك مصبوغ، نبدأ بالزيت .. النوع الي تحبينه حطيه وخلي شعرك يتشرّبه ساعتين.

اذا مصبوغ بنحتاج ماسك ترطيب لقبل الشاور. وممكن نحتاج تونر، او تونينق شامبو(شامبو مصحح: بنفسجي/ازرق/فضي..الخ) ونتركه ٥ الى ٧ دقايق على الشعر او حسب حاجتك.

راح نغسل الشعر ببيكربونات الصوديوم بدل الشامبو ناخذ شويةمن البيكربونات ونذوبها بشوية مويا نفرك الفروة والشعر، هالخطوة بتنظف الشعر والفروة من كل الأشياء الي متراكمة فيها والي مايشيلها الشامبو العادي، بعد كذا بنستبدل البلسم ب قارورة مويا كبيرة مضاف لها ملعقة خل نصبها ع الشعر باخر شطفة.. تعطيك لمعة وحيوية للشعر خيالية هذي وحدة من الاشياء الي يسوونها المشاهير.

طبعاً بيوم المناسبة ممكن تحطين على شعرك مستحضراتك الي دايماً تحطينها وممكن تغسلين شعرك بشامبو وبلسم وحمام زيت لو حبيتي.

بعد الشاور، مانستغني عن الترطيب طبعاً، بنحط سيروم أو امبولات او اي وسيلة ترطيب تحبونها.

واخيراً بنتعطر من راسنا لاخمص قدمينا 🙂 وعطري ملابسك إذا ماكنتي بتطلعين مع السواق.

كل وحدة لها طريقة تحبها وتنفع معها، انا شخصياً ما احب ابدا استخدم منتجات معطرة لوشنات مثلا، استخدم منتجات مالها ريحة وأعطر بمزاجي. عندك بخور، عود، عطور..الخ ولاتنسين شعرك خصوصاً بعد السشوار.

* جميع المنتجات في الصور هي منتجات أستخدمها حالياً بإمكانك إستبدالها بالمنتج الي يعجبك ويؤدي نفس الغرض

#قناعالطين #شعر #العنايةبالجسم #مناسبات #الاهتماموالعناية #بخار #الاستعدادلمناسبة #الاهتمامبالشعر #بشرة #الاهتمامبالبشرة #تنظيفالبشرة #قناعللبشرة #عناية