إستعيدي نعومة أقدام الأطفال | Milky Foot

إنتشرت في السنوات الاخيرة هذي الماسكات لتقشير القدمين واليدين

حقيقة جربت منتج القدمين من شركتين فقط وأقدرأقول حصلت نفس النتيجة

المنتج الاول استخدمته قبل سنة ونص تقريباً من ايتود هاوس

ومنتج اليوم استخدمته قبل تقريباً شهر… والنتيجة أكثر من مرضية 🙂 شخصياً عنايتي بالأقدام عادية للاسف وأحياناً أهمل

فجربت هذا الماسك بعد إهمال وطلعت بنتيجة أفضل من أي وقت إعتنيت فيه لو أداوم بالصالونات اسبوعين ماحصلت هالنتيجة 🙂

العيب الوحيد ان القشور الي تطلع منك بتملي الدنيا 😦 كنت طول الوقت البس شراب لكن مع ذلك القشور في كل مكان خصوصا السرير:( بس هذا المطلوب اولا واخيراً

المنتجين جربتهم مع أمي حبيبتي والنتيجة اجمعنا بالاعجاب والاخذ بالاعتبار لاعادة التجربة كل ما استلزم الوضع.

احس هالمنتج حلو نستخدمه كبداية عناية، يعني لو مثلا اهملتي نفسك فترة وقررتي ترجعين تعتنين بكل شيء فيك، استخدمي هالماسك يرجعك قيم اوفر يعني ونبدأ من جديد هههههه

بدل مانحك ونصنفر ونفرك، نحط هالماسك اسبوع وتطلع رجلينك-او ايدينك- انعم من الحرير، ونبدأ عاد ببرنامج العناية من ترطيب وصنفرة وما الى ذلك.

العلبة تجي وبداخلها بروشور للتعليمات وكيس مغلق داخله الجوارب الي راح نلبسها، وطبعاً داخلها المحلول الي راح يشغل سحره

نغسل القدمين ونجففهم بعدين نلبس الجورب ونسكره ونخليه ساعة بعدها نشيله ونغسل الاقدام وانتهينا

أول ثلاثة أيام مارح يتغير شي، لكن بعدها اسبوع أو عشرة أيام تبدأ القشور تظهر وتزيد وتكبر..

من المهم جداً إننا، أولاً ما نرطب الأقدام طول فترة عمل الماسك لا بلوشن ولا كريم ولا اي منتج..مجرد غسيل وتجفيف فقط

ثاني شي إننا ما نلعب بالقشور، ما نحاول ننزلها او نقشرها او نلمسها حتى.. رغم ان الموضوع مغري او حتى مزعج، اتركي القشور تنزل بنفسها.

بعد هالعشر ايام راح تلاحظين ان القشور كلها نزلت وان رجلك ناعمة والجلد فيها جديد ومافيه اي بقايا للقديم، هنا خلاص نرجع للعناية الي متعودين عليها من ترطيب وتقشير وما إلى ذلك.

طبعاً تلاحظون ماحطيت صور للنتائج ولا للقشور، لأن بصراحة الشكل مقزز نوعاً ما حتىفي سناب كنت انزل تحديث يومي وبس بدأت القشور ماقدرت اكمل 😦 اذا حابين تشوفون النتائج بحث بالصور راح يطلع لك ملايين التجارب.

اخيرا تقييمي للمنتج: ١٠\١٠

المنتج موجود في صيدليات ادمة وبعض الصيدليات الاخرى

وفره لي المندوب على الرقم: +٩٦٦٥٧٠٥٦٧٥٦٢

حساب الانستجرام: ADC4TRADE

السعر: ١٢٠ريال.

#تقشير #footpeeling #اقدام #ميلكيفوت #milkyfoot