باليت الأساس| Foundation palette Graftobian
- ruba
- Nov 20, 2015
- 1 min read
باليت الأساس خيار يستحق التجربة في نظري لعدة أسباب، بعد التدوينة السابقة عن كيفية اختيار الاساس الصحيح من الواضح للمبتدئات خصوصاً أن المسألة محيرة..
الباليت يختصر ويوفر خصوصاً إن كانت بشرتك تقع بين لونين في أغلب المنتجات .. أسهل خيار الخلط لكن شراء درجتين من كل منتج للخلط موضوع غير عملي بالمرة .. أما وجود الدرجتين في منتج واحد فالموضوع أسهل..
اضافة لسهولة ايجاد درجتك المناسبة في باليت واحد، يوفر لك مثل هذه الباليتات كونسيلر، كونتور، واضاءة بنفس الوقت!
وللأخوات الي يتشاركون المكياج الموضوع مفيد اكثر واكثر!
خيار الباليت الي جربته وبناء على تقييمات ومراجعات عديدة وكان خيار ممتاز!
الباليت موجود بثلاثة درجات، بارد، دافئ ومحايد.. ويجي بشكل كبير ب ١٨ درجة
او بشكل اصغر ب ٥ درجات متنوعة ممكن نختارها حسب الطلب
الالوان عملية و تغطيتها فوق الممتازة، قوام الباليت كريمي سهلة جدا بالدمج والتوزيع.. صارلها عندي فترة طويلة وماجفّت ولا تغيرت. لكن لو حصل وخليتيها مكشوفة وحسيتي انها جفّت ممكن تضيفين نقطة زيت للوجه أو سيريوم سائل وترجع طبيعية 🙂
الالوان تطلع معك بالضبط زي ماهي في الباليت
تحت الباليت جدول عليه اسماء الدرجات وارقامها بحيث تقدرين تطلبين لو حبيتي درجة معينة وخلصت من عندك او لو تبينها على شكل ستيك فاونديشن.
هذا النوع من الباليتات موجود عند اغلب الماركات المتخصصة، وهو موجه اساساً للمختصين والميكاب ارتستس لكن يباع للجميع طبعاً، تلقون من بيناي، كريولاين، بوبي براون، اوفرا ، ماك، ميكاب فورايفر، وحتى نيكس.
ويتوزع بشكل مثالي بكل الطرق تقريباً، بالفرشة، الاسفنجة، وحتى باليد مع اني ما انصح بهالشي.
التقييم: ١٠\١٠
سعر الباليت18 لون: $79.99
سعر الباليت ٥ ألوان: $28.99
الموقع: Graftobian
Comentarios